AVMVİB Göygöl rayonunda layihə həyata keçirdi — VİDEO
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə «Müharibə veteranlarına hüquqi yardım» adlı layihə çərçivəsində AVMVİB, rayon şöbələri ilə birlikdə keçirdikləri tədbirləri davam etdirib.
Layihə çərçivəsində bu dəfə Göygöl rayon veteranları ilə geniş tərkibdə görüş keçirilib. Layihə rəhbəri AVMVİB sədrinin müavini Vahid Abdürəhmanovun rəhbərliyi altında həyata keçirilməsi nəzərdə tutulan layihə çərçivəsində rayon veteranlarını maraqlandıran suallara cavablar verilib və qaldırılan problemlər aidiyyatları üzrə qruplaşdırılıb.
Görüşdə AVMVİB, MNTK sədri Niyazi Quliyev, AVMVİB Göygöl rayon şöbəsinin sədri Həbib Hüseynov, Göygöl rayon İcra Hakimiyyətinin məsul əməkdaşı Vüqar Hüseynov, Göygöl rayon Polis Şöbəsinin rəis müavini polkovnik Ağali Bayramov, Səfərbərlik və Hərbi Xidmətə Çağırış üzrə Dövlət Xidmətinin rəisi mayor Anar Əsgərov, müharibə veteranları və müharibə əlilləri iştirak edirdilər.
Tədbirdə çıxış edən AVMVİB sədrinin müavini, «Müharibə veteranlarına hüquqi yardım» adlı layihənin rəhbəri Vahid Abdürəhmanov çıxış edərək bu layihənin bir çox veteranlarımızın problemlərinin həllində oynadığı müsbət rolundan danışdı. Faktlarla layihə çərçivəsində öz hüquqlarını bərpa edə bilmiş veteranlarımızın bundan sonra da hüquqlarının bərpasına hər vasitə ilə yardımçı olacaqlarını qeyd etdi.
Çıxış edənlər bu tip layihələrin həyata keçiruilməsinin vacibliyindən danışdılar. AVMVİB Göygöl rayon şöbəsinin sədri Həbib Hüseynov bildirdi ki, veteran problemlərinin həllinə rayon rəhbərliyi daim diqqətlə yanaşır. Belə layihələrin bizim rayonda həyata keçirilməsi də müharibə veteranları tərəfindən rəğbətlə qarşılanır. Ona görə də belə layihələrdə Göygöl rayonunda keçirilməsini alqışlayırıq.
AVMVİB, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə «Müharibə veteranlarına hüquqi yardım» adlı layihəsini davam etdirəcək.
Rauf Hüseynov
