Bölgə veteranları Anım tədbirlərində yaxından iştirak ediblər

Dekabrın 12-si xalqımızın ümummilli lideri, Ulu Öndər Heydər Əliyevin Anım günüdür

Dünya tarixi sübut etmişdir ki, şəxsiyyətlərin gücü, ağlı, cəsarəti, siyasi iradəsi və müdrikliyi mənsub olduğu xalqın, onun yaratdığı dövlətin həyatında əvəzedilməz rola malikdir. Bu şəxsiyyətlər arasında müasir müstəqil Azərbaycan dövlətinin memarı və qurucusu, ulu öndər Heydər Əliyevin özünəməxsus yeri vardır.

AVMVİB rayon şöbələri ənənəvi olaraq Anım tədbirlərində yaxından iştirak ediblər.

MİNGƏÇEVİR. AVMVİB Mingəçevir şəhər şöbəsinin sədri Natiq Həsənovun verdiyi məlumata görə, şəhər şöbəsinin üzvü olan müharibə veteranları bu gün Ümummilli lider Heydər Əliyevin Anım günündə yaxından iştirak ediblər.

Natiq Həsənov, H.Əliyevin abidəsini ziyarət etdiklərini və gül qoyduqlarını bildirdi.Ulu öndər Allahdan rəhmət dilədiklərini söylədi.

GÖYGÖL. AVMVİB Göygöl rayon şöbəsinin sədri Həbib Hüseynovun verdiyi məlumatya görə bölgə veteranları Ulu Öndər Heydər Əliyevin Anım tədbirlərində iştirak ediblər.

Həbib Hüseynov, Heydər Əliyevin abidəsini ziyarət edərək gül qoyduqlarını söylədi. Bildirdi ki, ziyarətçilərə Göygöl rayon İcra Hakimiyyətinin təşkilatçılığı ilə ehsan süfrəsi verildi.

Allah rəhmət eləsin!

N. Məmmədli