Yağış Gürcüstanın azərbaycanlı kəndlərində problemlər yaratdı

Hər üç rayona xilasetmə qüvvələri və xususi texnika cəlb olunub

Güclü yağış və külək Gürcüstanın Kaxeti bölgəsində ciddi fəsadlar törədib.

İstiPressin məlumatına görə, bölgənin Siğnaği, Laqodexi və Qurcaani rayonlarında onlarla evin həyətini su basıb. Laqodexinin Qabal mahalında əsasən azərbaycanlılar yaşayır.

Kəskin hava şəraitinin yaratdığı problemlərin aradan qaldırılması üçün hər üç rayona xilasetmə qüvvələri və xususi texnika cəlb olunub.

Bölgəyə dəyən zərərin müəyyən olunması üçün xüsusi komissiya yaradılıb./İstiPress/