«Vaşinqton iki ölkə liderlərinin təkbətək görüşünün baş tutması üçün inadla səy göstərdi» — ABŞ SƏFİRİ
![](https://veteran.az/wp-content/uploads/2021/11/p_3.jpg)
«ABŞ Azərbaycan və Ermənistan arasında münasibətlərin normallaşmasına yönəlmiş əlaqələri dəstəkləyir».
Bunu ABŞ-ın Azərbaycandakı səfiri Örl Lisenberger Azərbaycan və Ermənistan liderlərinin dekabrın 15-də Brüsseldə keçiriləcək “Şərq Tərəfdaşlığı” sammiti çərçivəsində gözlənilən görüşünü şərh edərkən bildirib.
“Bu görüş haqqında xəbəri görmək mənə xoş oldu. ABŞ iki ölkə liderlərinin təkbətək görüşünün baş tutması üçün inadla səy göstərdi. Ümid edirəm ki, bu görüş iki ölkə arasında münasibətlərin normallaşması istiqamətində irəli atılmış addım olacaq”, — səfir deyib.
O ABŞ-ın ölkələrlə birbaşa əlaqələrin qurulmasını dəstəklədiyini qeyd edib: “Bu iradəni alqışlayır və tərəflərin bundan istifadə edəcəyinə ümid edirik”.
Mənbə: Report