İndiyədək qaytarılan əsirlərin ümumi sayı açıqlandı

“2020-ci ilin noyabrından Rusiya tərəfinin iştirakı ilə 97 əsir qaytarılıb. Onlardan 81-i erməni, 16-sı azərbaycanlıdır”.

“Qafqazinfo” “Sputnik Ermənistan”a istinadən xəbər verir ki, bunu Rusiyanın Ermənistandakı səfiri Sergey Kopırkin deyib.

“Bu rəqəmlərdən çıxış edərək biz deyə bilmərik ki, iş getmir və hər hansı hərəkət yoxdur. İstəyərdik ki, bu məsələ daha tez həll olunsun. Əvvəlcədən olduğu kimi mövqeyimiz dəyişməz olaraq qalır: “hamının hamıya” prinsipi üzrə əsirlər qaytarılmalıdır”, — deyə Kopırkin bildirib.