Bakıda Vətən Müharibəsi şəhidinin xatirəsi əbədiləşdirildi
Vətən Müharibəsi şəhidi Sərdar Sərvər oğlu İsmayılovun xatirəsi əbədiləşdirilib.
Veteran.az «oxu.az»-a istinadən xəbər verir ki, Bakının Yeni Suraxanı qəsəbəsində onun adına inşa edilmiş bulağın açılışı olub.
Qeyd edək ki, Sərdar İsmayılov 1995-ci il iyulun 31-də Suraxanı rayonunda anadan olub.
Azərbaycan Ordusunun kiçik çavuşu olan Sərdar İsmayılov 2020-ci il sentyabrın 27-də başlanan Vətən Müharibəsi zamanı Füzulinin azadlığı uğrunda gedən döyüşlərdə iştirak edib.
Sərdar İsmayılov oktyabrın 3-də Füzuli döyüşləri zamanı şəhid olub.
O, Azərbaycan Prezidenti İlham Əliyevin Sərəncamına əsasən, ölümündən sonra “Vətən uğrunda” və “Füzulinin azad olunmasına görə” medalı ilə təltif edilib.
