AVMVİB İctmai əlaqələr şöbəsi Silahlı Qüvvələr Günü ilə bağlı tədbirdə

Azərbaycan Vətən Müharibəsi Veteranları İctimai Birliyinin (AVMVİB) İctmai əlaqələr şöbəsinin müdiri Alyat Babaşov 26 iyun — Azərbaycan Respublikasının Silahlı Qüvvələr Günü ilə bağlı Səbail rayonunda təşkil olunan tədbirdə iştirak etmişdir.

AVMVİB İctmai əlaqələr şöbəsinin müdiri Alyat Babaşov çıxışında Silahlı Qüvvələrimizin yaranma tarixindən, Birinci və İkinci Qarabağ müharibəsində şərəfli döyüş yolu keçmiş qazilərimizin və şəhidlərimizin rəşadətindən, Ulu Öndər Heydər Əliyevin ordu quruculuğu ilə bağlı islahatlarından, Müzəffər Ali Baş Komandanımız İlham Əliyev cənablarının polad iradəsi və əsgərlərimizin qəhrəmanlığı və xalqımızın həmrəyliyi sayəsində Azərbaycan Respublikasının ərazi bütövlüyünün və suverenliyinin bərpasının tariximizə qızıl hərflərlə yazıldığını diqqətə çatmış, bu gün münasibəti ilə Ali Baş komandanımızı, Silahlı Qüvvələrimizi və xalqımızı təbrik etmişdir.