İtkin sayılan daha bir hərbçimizin nəşi tapıldı

Vətən müharibəsində itkin sayılan və axtarışları davam edən 7 hərbçidən biri — Əliyev İxtiyar İlqar oğlunun nəşi tapılıb.

Baş Prokurorluğun mətbuat xidmətindən verilən məlumata görə, itkin düşmüş hərbi qulluqçunun –gizir Əliyev İxtiyar İlqar oğlunun meyiti tapılaraq şəxsiyyəti müəyyən edilib.

Rəsmi məlumata görə, növbəti gün ərzində meyitin ailə üzvlərinə verilməsi təmin ediləcək.

Qeyd edək ki, gizir İxtiyar Əliyev Vətən müharibəsi zamanı, oktyabrın 6-da Ağdərə istiqamətində gedən döyüşlərdə şəhid olub.

Şəhid Goranboyda dəfn olunacaq.