Xudayar Yusifzadəni təhqir edəni döyənlərin kimliyi müəyyənləşib
Sosial şəbəkə istifadəçisi Fuad Rəsulzadəni döyən şəxslər müəyyən edilib.
Daxili İşlər Nazirliyinin (DİN) Mətbuat xidmətinin rəhbəri Ehsan Zahidov «Report»a bildirib ki, həmin videogörüntü sosial şəbəkələrdə yayılandan dərhal sonra DİN tərəfindən müvafiq araşdırma aparılıb və cinayət işi başlanılıb:
“Fakta görə Cinayət Məcəlləsinin 221-ci (xuliqanlıq) maddəsi ilə hadisənin baş verdiyi ərazi üzrə Binəqədi Rayon Polis İdarəsində cinayət işi açılıb. Həyata keçirilən istintaq-əməliyyat tədbirləri nəticədində hadisəni törədən şəxslər müəyyən olunub. Onlar şəhid Xudayar Yusifzadənin qardaşı, dayısı və xalası oğludur. Həmin şəxslər istintaqa cəlb edilərək izahatları alınıb. Hazırda cinayət işi üzrə istintaq tədbirləri davam etdirilir”.
Qeyd edək ki, sosial şəbəkə istifadəçisi F.Rəsulzadənin döyülməsini əks etdirən görüntülər yayılıb. F.Rəsulzadənin döyülməsinə səbəb kimi bir müddət əvvəl onun şəhid Xudayar Yusifzadə ilə bağlı sosial şəbəkədə etdiyi paylaşım göstərilir. Həmin paylaşım sosial şəbəkə istifadəçiləri tərəfindən ciddi etirazla qarşılanıb.
P.S. İllərdir ki, bir para əxlaqsızın şəhidlərimizə dil uzatmasına qarşı mübarizə aparsaq da, Qanunlara əlavə təklifi versək də heç bir iş görməyənlər bir «qırmızı tapoçka», sarı şalvara görə günahkarı axtarıb tapdılar və cinayət işi açdılar. Bəs o şərəfini və namusunu ermənilətrə peşkəş vermiş Fuad Rəsulzadəni niytə cəzalandırmırsınız? Əlbəttə ki, qəbul edilmiş qanunlar yol vermir. Sizcə niyə???
