Ləkələnmiş «mələklər» və satılmış «kəpənəklər» — Ana Vətənin xain bəlaları

Yazını şəhidimiz Arzuman Qasımovun əziz xatirəsinə ithaf edirəm.

Jurnalist fəaliyyətim dövründə bu yazı işlədiyim ən ağır və ağrılı bir mövzudur. Vətənə xəyanət, Anaya xəyanət, körpələrə xəyanət…

Bu gün bu mövzu ətrafında fikirlər haçalanır. Kimlərsə bu ittihamları «saxta», kimlərsə bu dəhşətləri həqiqət kimi qəbul etməkdədir. Əlbəttə bu sahədə günahsız hərbçilərin olması faktlarının ola bilməsi mümkündür və Azərbaycan Respublikası Hərbi Prokrorluğu artıq günahsız olmayanlara bu barədə yazılı məlumatlar da göndərib. Buna misal olaraq vəfat etmiş kapitan Süleyman Kazımovun ailəsinə ölümündən sonra göndərilən rəsmi məktubu nümunə göstərə bilərik. Bu o deməkdir ki, günahı sübut edilməyən hərbçilərimiz ölümündən sonra da olsa öz haqlarına qovuşaraq təmiz adlarını bərpa etmişlər. Onlarla şəxs isə sağ-salamat təmiz olduqlarını sübuta yetirə bilmişlər. Prosesin əvvəlinə diqqət yetirək.

Qeyd edək ki, 2017-ci ildə Baş Prokurorluq, Müdafiə Nazirliyi, Daxili İşlər Nazirliyi və Dövlət Təhlükəsizliyi Xidməti bəyanat yaydı.

Bəyanatda deyilirdi: «Ermənistan Silahlı Qüvvələrinin kəşfiyyat və xüsusi xidmət orqanları tərəfindən Müdafiə Nazirliyinin Tərtər rayonu istiqamətində yerləşən bölmələrinə və yaşayış məntəqələrimizə qarşı genişmiqyaslı təxribat fəaliyyətinin həyata keçirilməsinin planlaşdırıldığı barədə əldə edilmiş məlumat əsasında aparılmış tədbirlər nəticəsində müəyyən olunub ki, xalqına, vətəninə və dövlətinə xəyanət yolunu tutan iradəsi zəif, vətəndaşlıq ruhunu və vətəninə bağlılığını itirmiş bir qrup hərbi qulluqçu və digər mülki şəxslər Azərbaycan Respublikasının suverenliyi, ərazi toxunulmazlığı, dövlət təhlükəsizliyi və müdafiə qabiliyyəti zərərinə olaraq düşmən kəşfiyyatçıları ilə məxfi əməkdaşlığa cəlb edilərək müxtəlif vaxtlarda maddi maraqları naminə hərbi sirr təşkil edən məlumatları əldə etməklə düşmən tərəfinə ötürüblər.»

Bu rəsmi bəyanatın arxasında böyük bir cinayətin dayandığı barədə çoxlarımızda təsdiqsiz məlumatlar vardı. Lakin hərbi hissələrin qapalı müəssisə olması bu informasiyaların yayılmasını imkansız etmişdi. Bəzi həbs olunan hərbçilərin bu iyrənc xəyanətlərdə birbaşa və bilavasitə iştirakları sübuta yetirilsə də həbs olunmuş şəxslərin yaxınları və valideynləri də övladlarının günahsızlığını deməyə başlayıblar. Bunun tək səbəbi isə ilkin araşdırmalar zamanı məlum oldu ki, həbs olunanlara işgəncə verənlərin, Müdafiə Nazirliyinin xüsusi təyinatçıları olması xeyli suallar doğurmuşdu. Yəni əslində bu fikir də həbs olunmuş hərbçilərə işgəncələr verərək öldürənlərin Müdafiə Nazirliyinin Daxili Təhlükəsizlik İdarəsinin hərbçiləri olması barədə «hüquq müdafiəçilərinin» dedikləridir. Bu da öz təsdiqini tapmayan bir versiyadır.

Özünü fərqinə varmadan xainlərin işi üzrə hüquq müdafiəçisi elan edən, sabiq təhlükəsizlik zabiti, «Şərq-Qərb” Araşdırmalar Mərkəzinin rəhbəri Ərəstun Oruclu bu barədə yazır: «Öz hərbçi yoldaşlarına sözün həqiqi mənasında vəhşicəsinə işgəncələr (bu işgəncələrin nədən ibarət olması haqda bir qədər sonra) verənlərin «hansı motivləri ola bilərdi?» və «həmin iyrənc işgəncələri icra edənlər belə vəhşiliyə necə sövq oluna bilərdi?» kimi suallar o dərəcədə anlaşılmazlıqlar yaradırdı ki, araşdırmanın hər addımında dönə-dönə bu qənaətə gəlirdik ki, bəlkə əldə etdiyimiz məlumatlar bizi əsas hədəflərdən yayındırmağa yönəlmiş məqsədyönlü dezinformasiyadır? Amma araşdırmamız göstərdi ki, xeyr, zərərçəkmiş əsgərlərə işgəncə verənlər, məhz həmin Daxili Təhlükəsizlik İdarəsinin xüsusi təyinatlıları olub və işgəncələrə əmr verən də həmin idarənin rəisi, polkovnik Ramil Əkbərov olub.

Bundan sonra Bakıda olduğumdan araşdırmanı daha dərindən və şəxsən aparmaq imkanı qazandım və hər dəfə əldə etdiyim məlumatlar məndə sözün həqiqi mənasında şok effekti yaradırdı. Amma əvvəlcə qayıdaq işgəncələrdən ölənlərin sayına və hərbçilərimizə verilmiş işgəncələrin xarakterinə. Həmin «casus əməliyyatları» dövründə Müdafiə Nazirliyinin 250-dən yuxarı hərbçisi Hərbi Prokurorluq tərəfindən Ermənistanın xeyrinə casusluqda şübhəli bilinərək istintaqa cəlb olunub. İstintaq zamanı onlardan 200 nəfərdən çoxu aldığı ağır fiziki və psixoloji travmalardan sonra faktiki əlillik durumuna çatdırılıb, 14 nəfər isə işgəncələr verməklə vəhşicəsinə qətlə yetirilib». Amma xainlərin hansı sırada durduğunu müəyyən edə bilməyən Ə. Oruclu saxtakarcasına mövcud reallıqdan yayınaraq bircə nüansın üzərinə getməsi çox şübhəlidir. Yoxsa o da «Ohanyan sindromuna» yoluxub?

Bu bir əks arqumentli ekspertin yazdıqlarıdır və buradan da aydın olan MN-nin bu davranışı bir daha ciddi surətdə araşdırılmalıdır. Çünki hələ də daha ciddi günahı olanların bu araşdırmadan kənar qalmaları barədə informasiyalar gəlməkdədir və deyilənlərdən aydın olur ki, hansısa gizli bir əl hələ də bu xəyanətkar toplumu himayə etməkdədir. Bir faktı əlavə edim ki, bu məqsədyönlü xəyanətkar şəbəkə MAXE-lərin orduya cəlb edilməsiylə daha geniş vüsət aldı. Bu kimin ideyasıdırsa bu işdən həmin şəxsin mütləq bilgisi var. Çünki Orduya sızmaq üçün bu daha asan bir yoldur.

Bu günlərdə Vətənə xəyanət etmişlərin yaxınları xeyli aktivləşiblər. Mövzunun qapalı saxlanması, xalqın məlumatsızlığı az qala xainlərin «qəhrəman» kimi tanıdılmasına yol açmaqdadır və yetərli dərəcədə dezinformasiyalar yayılmaqdadır. Xüsusən də bu sahədə səriştəsiz olan mediamız lap «gül vurmaqdadır». Get Vətənini düşmənə sat və gəl hüquq tələb elə. Vətənə xəyanət edən kim olursa, olsun onun bağışlanmaq şansı olmamalıdır. Bu bütün müharibə veteranlarının tələbidir.

Əlimdə sosial şəbəkədən mənə göndərilmiş bir müraciət var. Buradan da aydın olur ki, dezinformasiyalar yayan bəzi qondarma ekspert və saytların dediyinin tam əksinə olaraq işgəncə edənlərin də cəzalandırılması sübut olunur. Müraciətdə deyilir: «Vətənə xəyanətə görə həbs edilmişlərə işğəncə verməkdə şübhəli bilinən və həbs edilən gizir Maşayev Sənanın məhkəmədə son sözü:

«Cənab hakim kimsə elə bilməsin ki, biz dövlətimizdən küskünük, nədənsə peşmanıq, biz sınmışıq. Biz, şərtlər nə olursa, olsun dövlətimizə xidmət üçün yetişdirilmişik, belə tərbiyə görmüşük.

Bizi belə böyüdüblər.

İki ilə yaxındı burdayıq, amma bir dəfə valideynlərimiz bir dövlət orqanının qapısını döyüb deməyiblər ki, bizim bu qədər dövlətimiz üçün xidməti olan, düşmən arxasında saysız-hesabsız fəaliyyəti olan oğlanlarımızı niyə həbs etmisiz?

Bəlkə gəliblər?

Gəlməyiblər, gəlməyəcəklər də…

Amma görürsüz, xainlərin valideynləri dağıdır aləmi, hamı da onlara züy tutur.
Dövlət üçün öldürmək də var, ölmək də var, zindanda çürümək də var.

Biz dövlətimiz üçün lazım olanı etmişik, bəlkə də hardasa qanundan kənara çıxmışıq, amma lazım olanı etmişik.

Siz yaxşı bilirsiz, xainlərin əməllərini, onların planlaşdırdıqları təxribatları, terror aktlarını və onların nə ilə nəticələnəcəyini, nə qədər itki verəcəyimizi…

Bu gün azı 200 hərbçi, ailə başçısı rahat evində, ailəsinin başındadı, amma bu olmaya da bilərdi, bu işi biz vaxtında açmasaydıq.

Bu gün, biz burdayıq, Vətən sağ olsun, amma bu xəyanətkarların əməlləri vaxtında aşkarlanmasaydı, bəlkə də biz qarışıq 100-lərlə hərbçimiz həyatda deyildi və həmçinin neçə-neçə qəhrəman oğullarımızın qanı bahasına aldığımız yüksəkliklər düşmənin nəzarətinə keçəcəkdi, dövlətimiz, xalqımız yenə düşmən önündə başı aşağı olacaqdı. Qarabağla bağlı arzularımız bir dəfəlik puç olacaqdı.

Amma biz buna imkan vermədik, bu yanımda oturan oğlanların sayəsində.
Tarixdə həmişə qəhrəmanlar olub, amma elə qəhrəmanlar olub ki, onların əməlləri, adları 10 illər sonra üzə çıxıb.

Biz qəhrəmanlıq eşqində deyilik, heç fikrimiz də yoxdu.

Bizim üçün həmişə bir amal olub «Söz konusu Vatansa gerisi təfərrüatdı».

Təki Vətən sağ olsun!»

Saxtakarcasına xəyanətin yanında durub insanlıqdan danışanlara artıq sübuta yetirilmiş faktları təqdim edəcəyəm. Hamımızın Ana dediyimiz Vətəni öz nəfsinə qurban verən xainlərin yanında duran hər bir şəxsin bu sırada yeri var. Ana dediyimiz Vətəni düşmənə satan birisinə insan deyən varmı? Amma bu qondarma adamcıqlar bu xainlərin «insan hüquqlarından» dəm vururlar. Öz ayıb yerlərini düşmənə peşkəş edən bu zavallılar Vətəni də qoruya bilmədikləri orqan kimi düşmənin «yatağına» çəkmək planının icraçı köpəkləri idilər. Sizlər sadə dildə desək hamımızın Anasını düşmənə satan xainəmi əfv diləyirsiniz? İnciməsin «oğul» deyə küçələrə düşən «xain anaları», kaş ki, daş doğaydınız və o daşı kimsə götürüb düşmənə ataydı. Bu işdə imdad yoxdu. Bu işdə şans yoxdu. Bu işdə sonuncu nəfər və birinci nəfər üzə çıxarılmalıdır.

Burada sadəcə aldadılmış günahkarlar var. «Günahsız günahkarlar»ın heç biri bu günlərini düşünmədən öz talelərinə nöqtə qoyub ləkə salıblar. Mələk olanlar belə nöqtədən «ləkəli mələyə» və satılmış «kəpənəklərə» çevriliblər.

Bu gün 20 faiz torpağı işğalda olan bir Vətəni qorumaq kimi müqəddəs bir vəzifəsi olan F. Əhmədov, S. Zeydullayev, E. Quliyev, E. Əliyev kimi şərəfini itirmiş hərbi qulluqçuların əməlləri ilə tanış olun. Bu hərbi qulluqçular dövlət sirri sayılan məlumatları düşmənə verməklə, düşmənlə əməkdaşlığa digər hərbi qulluqçuları cəlb etməklə, əlverişli hərbi strateji yüksəklikləri düşmənə təslim etmək istiqamətində işlər görməklə, hərbi qulluqçularımızın düşmən tərəfindən seksual zorakılığa məruz qoymaqla və bunu videoçəkliş edərək «internet» resursları ilə yayacaqları ilə hədələyərək düşmənlə əməkdaşlığa cəlb edərək düşmənin tapşırıqlarını yerinə yetirmişlər.

Erməni ordusunda dəbdə və xarakterik olan «Oqanyan sindromu» adlanan homoseksualizmi əsgərlər arasında yaymaqla öz «bizneslərini» və xəyanətlərini qurmuşlar. S. Zeydullayev öz məkrli planına uyğun şəkildə düşmənin xeyrinə məxfi əməkdaşlığa cəlb etmək üçün öz tabeliyində olan əsgərlər — A. Səfərov, T. Arzumanlı, V. Məmmədəliyev, A. Şəfiyev və B. Nuruzadəni aldadaraq pusquya salmış və ermənilərə təhvil verərək onlara qarşı seksual hərəkətlər edilməsini və video çəkilişlər aparılmasını təşkil etmişlər. Həmin bu xain S. Zeydullayev daha sonra aldığı tapşırığa uyğun olaraq xidmət etdiyi bölmənin zabitləri olan kapitan R. Orucovu, leytenant A. Rəhimovu və baş leytenant F. Əhmədovu da eyni üsulla pusquya salaraq düşmənə təhvil vermiş və onları da düşmənin xeyrinə məxfi əməkdaşlığa cəlb etmişdir.

Bilirəm ki, cinayət və xəyanətlərinin cüzi hissəsini saydığım S. Zeydullayevə ən humanist vətəndaş belə ölüm hökmü tələb edərdi. Lakin bu xainə cəmisi törətdiyi xəyanətlərə görı 20 il həbs cəzsı verilmişdir. Dövlət həmişə haqlıdır, amma bu insan özünü satmış bir adam kimi ən azı ömürlük həbsdə olmalıdır. Bu gün nə yazıq ki, S. Zeydullayevin də qohumları onun qanunsuz həbs olunmasından dəm vuranlar sırasında yer almaqdadırlar. Yazıqlar olsun!

Daha bir «gey-ramanımız» Zeydullayevin yetirmələrindən olan F. Əhmədov tabeliyində olan hərbi qulluqçular O. Əfqanlı, F. Fərzəliyev, C. Abbasov və N. Kərimovu aldadaraq pusquya salmış və erməni hərbi qulluqçularına təhvil vermişdir. Bu hərbçilər də düşmən tərəfindən seksual zorakılığa məruz qalmış və video çəkiliş aparılmışdır. F. Əhmədov bu iş müqabilində düşmən tərəfindən pul almışdır. O, həmçinin düşmənin vurulan helikopterində olan pilotların meyidinin neytral ərazidən çıxarılması üçün şərait yaratmış, düşmənə verdiyi məlumatlar əsasında səngərdə dayanan E. Abbaszadəni snayperlə vurub öldürmələrinə şərait yaratmışdır.

F. Əhmədov, düşmən hərbi qulluqçuları ilə məxfi əməkdaşlığa cəlb edilmiş hərbçilər arasında kordinator rolunu oynayan E. Quliyevlə birgə hərbi hissənin məxfi daxili kodlaşdırılmış çağırış sistemini kağıza yazaraq düşmən tərəfə təqdim etmişdir.

Onun da qohumları günahsız olduğunu iddia etməkdədir. Bu «günahsız xainin» də cəzası hərbi məhkəmə tərəfindən ömürlük deyil, 20 il ilə cəzalandırılıb.

Bu «dalını (ifadəyə görə üzr istəyirik) qoruya bilməyənlərdən» Vətən qorumağı ummaq bizim suçumuzdur. Belə övlad doğmaq və tərbiyə etmək isə o meydanda bu üzdəniraqlara «oğlum» deyənlərin suçudur. Çəkilin hücrənizə və milləti öz suçunuza şərik etməyin…

Araşdırma Qrupumuz araşdırmalarını davam etdirir.

(Ardı var)

Fedai.az Araşdırma Qrupu
AVMVİB Mətbuat Xidməti