İri ticarət mərkəzləri və “Moll”lar işləyəcək? — RƏSMİ

Nazirlər Kabineti yanında Operativ Qərargah tərəfindən yeni növ koronavirus (COVID-19) infeksiyası ilə bağlı Azərbaycandakı sanitar-epidemioloji vəziyyət, ölkə əhalisi arasında virusa yoluxanların ümumi sayı və xəstələrin sağalma dinamikası nəzərə alınaraq, xüsusi karantin rejimi çərçivəsində tətbiq edilən məhdudiyyətlərin daha bir qisminin yumşaldılmasına qərar verilib.

Veteran.az-ın məlumatına görə, hazırda xüsusi karantin rejimi müddətində ölkə üzrə bəzi məhdudiyyətlər isə qüvvədə qalır.

Qərara əsasən, əyləncə məkanları, o cümlədən uşaq əyləncə məkanlarının (bulvar və parkların ərazisindəki daxil olmaqla) fəaliyyətinin dayandırılması, nəzdindəki ərzaq mağazaları və apteklər istisna olmaqla, ölkə ərazisində iri ticarət mərkəzlərinin və “Moll”ların fəaliyyətinin dayandırılıması məhdudiyyəti qüvvədə qalır.