İRANDA XEYLİ SAYDA ŞƏXS ÖLDÜRÜLÜB

İranda hicab qaydalarını pozduğuna görə 22 yaşlı Məhsa Əmininin qətlə yetirilməsinə qarşı keçirilən etiraz aksiyalarında hərbi-polis qüvvələri 17 əyalət üzrə 182 nəfəri öldürüb.

GunAzTV xəbər verir ki, bu məlumatı İran İnsan Haqları Mərkəzi yayıb.

Məlumata görə, hazırda İranın onlarla şəhərində etiraz aksiyaları davam edir. Ən çox itki Sistan-Bəlucistanda olub. İlkin məlumata görə, bu əyalətdə 88 etirazçı qətlə yetirilib.

Mərkəz yüzlərlə insanın yaralandığını, onlardan bir çoxunun vəziyyətinin ağır olduğunu bildirib.

Qurum aksiyaçılara qarşı sərt davrandığına görə qətlə yetirilənlərin sayının artacağı ehtimalının yüksək olduğunu vurğulayıb.