İlham Əliyev iranlı həmkarına başsağlığı verdi
![](https://veteran.az/wp-content/uploads/2022/05/1652881243_7389e8783dfc93e64843cc7fd2beee99-1-1024x684.jpg)
Prezident İlham Əliyev İran İslam Respublikasının Prezidenti Seyid İbrahim Rəisiyə başsağlığı verib.
Veteran.az başsağlığı mətnini təqdim edir:
«Hörmətli cənab Prezident,
Abadan şəhərində onmərtəbəli binanın çökməsi nəticəsində çox sayda insanın həlak olması və xəsarət alması xəbəri bizi olduqca kədərləndirdi.
Baş vermiş bu faciə ilə əlaqədar Sizə, həlak olanların ailələrinə və yaxınlarına, bütün İran xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm.
Allah rəhmət eləsin!».