İsveçin baş naziri: “PKK-nın terrorçu təşkilat kimi tanınmasını dəstəkləyirik”
![](https://veteran.az/wp-content/uploads/2022/05/1653163517_69e6d511-92ac-3ec1-b210-89d3186e3d38_850.jpg)
İsveçin baş naziri Maqdalena Andersson Türkiyə prezidenti Rəcəb Tayyib Ərdoğanla telefon söhbətindən sonra açıqlamalar verib.
«Ölkə.az» “Haber Global”a istinadla xəbər verir ki, Türkiyə ilə ikitərəfli əlaqələrin gücləndirilməsini səbirsizliklə gözlədiklərini ifadə edən Andersson, PKK-nın terrorçu təşkilatlar siyahısına salınmasını açıq şəkildə dəstəklədiklərini bildirib.
“İsveçin beynəlxalq terrorla mübarizəni alqışladığını vurğuladım. Bu mübarizədə PKK-nın terrorçu təşkilatlar siyahısında olmasını açıq şəkildə dəstəklədiyimi bildirdim”, -deyə hökumət başçısı SVT dövlət televiziyasının efirində bəyan edib.
O, həmçinin “Twitter” hesabında “Türkiyə prezidenti Ərdoğan ilə İsveçin NATO-ya üzvlüyü ilə bağlı bugünkü görüşü yüksək qiymətləndiririk. Sülh, təhlükəsizlik və terrorla mübarizə də daxil olmaqla ikitərəfli əlaqələrimizi gücləndirməyi səbirsizliklə gözləyirik”, — yazıb.