Qaribaşvili — Ərdoğan görüşü
TASS agentliyi Gürcüstan Nazirlər Kabinetinin mətbuat xidmətinə istinadən xəbər verir ki, Gürcüstanın Baş naziri İrakli Qaribaşvili və Türkiyə Prezidenti Rəcəb Tayyib Ərdoğan Cənubi Qafqazdakı vəziyyəti müzakirə ediblər.
Görüş BMT Baş Assambleyasının 76 -cı sessiyası çərçivəsində baş tutub.
“Çıxışda bölgədə inkişaf edən hadisələrə toxunulub. İrakli Qaribaşvilinin sözlərinə görə, Gürcüstanın ən vacib məqsədi bölgədə sülh və sabitliyi qorumaqdır və ölkə Qafqaz regionunda uzunmüddətli sülh və sabitlik üçün sülhməramlı funksiyasını yerinə yetirməyə hazırdır ”,-deyə məlumatda bildirilir.
Hər iki ölkənin liderləri Azərbaycanın 15 erməni əsgərini minalanmış sahələrin xəritələri qarşılığında Ermənistana köçürməsi məsələsinə də toxunublar. Proses iyun ayında Gürcüstanın vasitəçiliyi ilə baş tutub. Mesajda vurğulandığı kimi, Qaribashvili və Ərdoğan baş verən mübadilənin «qonşular arasında əməkdaşlıq üçün yaxşı bir əsas olduğunu» qeyd ediblər.
