Atası şəhid olan şəhidimiz…
Ermənistan silahlı qüvvələrinin bölmələri Basarkeçər rayonu ərazisindəki mövqelərindən Azərbaycan Ordusunun Ermənistan-Azərbaycan dövlət sərhədinin Kəlbəcər rayonu sahəsindəki mövqelərini atəşə tutması nəticəsində şəhid olan hərbi qulluqçumuz, gizir Yaqublu Fərman Telman oğlu 1993-cü ildə Beyləqan rayonunun Qəhrəmanlı qəsəbəsində anadan olub.
Vətən müharibəsində iştirak etmiş Fərman Yaqublu göstərdiyi qəhrəmanlıqlara görə “Kəlbəcərin azad olunmasına görə” medalı ilə təltif olunmuşdu.
Şəhid F.Yaqublu Beyləqanda dəfn olunub.
Xatırladaq ki, F.Yaqublunun 1 yaşı olanda atası da 1994-cü ildə, Birinci Qarabağ müharibəsində şəhid olmuşdu.
Allah hər iki şəhidimizə rəhmət eləsin!
