Paşinyanın Facebook sərsəmləmələri…

Nikol Paşinyanın rəsmi Facebook səhifəsində məlumat yazılıb.

Ermənistanın Baş naziri bildirib ki, “Dağlıq Qarabağ münaqişəsinin istənilən həlli Ermənistan, Qarabağ erməniləri və Azərbaycan xalqları üçün məqbul olmalıdır. Erməni xalqı üçün məqbul olan razılaşdırılmış istənilən həll yolu əldə edildikdə, təklifimizi xalqımıza təqdim edəcəyəm, bu barədə ümummilli müzakirə aparacağıq. Lazım gələrsə, hətta referendum da keçirilə bilər”.

Baş nazirin sözlərinə görə, Ermənistan-Azərbaycan münasibətlərindəki vəziyyət həmişə risk daşıyır, lakin bu risk üç, dörd və ya beş il əvvəlkindən daha təhlükəli deyil. “Sərhəddəki vəziyyəti izləsək, son 1,5 ildə gərginliyin kəskin və əhəmiyyətli dərəcədə azalmasını görəcəyik, xüsusən Düşənbədən sonra bu, özünü nəzərə çarpacaq dərəcədə göstərir. Ancaq bu, o demək deyil ki, heç bir gərginlik yoxdur. Təəssüf ki, hələ də qurbanlarımız olur”.

Paşinyan hesab edir ki, Qarabağ münaqişəsinin həllində Ermənistan və qondarma Qarabağ hakimiyyətinin yanaşmaları eynidır.

Baş nazir danışıqlar prosesində “maraqlı dinamika” gördüyünü vurğulayıb və bu dinamikanın inkişaf edəcəyinə ümid etdiyini bildirib.

Print / Çap et
Sosial şəbəkələrdə bizi izləyin və paylaşın:
  •  
  •  
  •  
  •  
  •  
  •  
  •  
  •  
  • 3
  •  
  •  
  •  
  •  
  •  
  •  
  •  
    3
    Shares