Xüsusi Təyinatlı Qüvvələrin kəşfiyyat zabiti — Şəhid Vüsal Muradov


Öz Vətəni uğrunda göz qırpmadan canını verən,vətənə bağlılığı ilə,içində ki vətən sevgisi ilə ən yüksək zirvəyə yüksələn şəhidimiz Vüsal Muradov. Bu gün ki qələbəni sənə və sənin timsalında bütün şəhid olmuş igidlərimizə, onların ailəsinə borcluyuq.

Şəhidlərimizin canı və qanı bahasına qazandıqları azadlıq və müstəqillik heç zaman unudulmayacaqdır. Şəhidlər ölmür sən hər zaman bizim qəlbimizdə-ən gözəl yerdə yaşacaqsan. Çünki sən istədiyin şərəfli məqama ucaldın və qisasın alındı şəhidim, qanın yerdə qalmadı.

Uğrunda canından keçdiyin Vətən, öz torpaqlarına qovuşdu, düşmənlər bu torpaqlardan təmizləndi. Bir xəyalı vardı, hər kəs kimi öz arzuları, ümidləri uşaqlıqdan ən böyük xəyalı zabit olmaq idi və xəyalına qovuşdu. Həyat onu nə qədər erkən alsa belə o, ən böyük arzusuna çatdı. Tutduğu yolun nə dərəcə çətin və şərəfli bir yol olduğunu özü və ailəsi bilirdi. Bu yolla adını tarixə yazdın, hansı ki tarixin heç bir zaman silinməyən səhifəsinə və sənin adının daima yüksəklərdə tutulacağı bir səhifəyə…

Adi ölüm olsaydı, bu ailəsi üçün çox çətin və əzablı olardı. Min əziyyətlərlə böyütdükləri övlada nə böyük arzular bəsləmişdilər. Lakin şəhid ailəsi olduğu üçün valideynləri daima başını dik tutur daima övladlarının şərəfli məqama ucaldığını xatırlayıb, Vətən sağ olsun deyirlər.

Torpaq uğrunda ölən varsa vətəndir. Şəhid qanı axmayan torpaqdan, Vətən olmaz. Və o şərəfli zirvəyə yüksəlmək də hər kəsə nəsib olmaz. Yalnız vətənini ailəsindən, öz canından daha üstün tutan igidlərimizə nəsib olar, Qəhrəmanımız Vüsal Muradov kimi.

Başını dik tut şəhid ailəsi, Qəhrəmanlar ölmürlər!

Xüsusi Təyinatlı Qüvvələrin kəşfiyyat zabiti Vüsal Muradov, sən heç zaman bitməyən bir tarix, unudulmayan bir əfsanəsən.

Mehnur Məmmədov
Azərbaycan Xarici Dillər universiteti Filalogiya və Jurnalistika fakültəsi 2-ci kurs tələbəsi

Print / Çap et
Sosial şəbəkələrdə bizi izləyin və paylaşın:
  • 83
  •  
  •  
  •  
  •  
  •  
  •  
  • 1
  •  
  •  
  •  
  •  
  •  
  •  
  •  
    84
    Поделились