Tovuz veteranları məktəblilərlə görüşdülər

AVMVİB Tovuz rayon şöbəsinin sədri Etibar Vəliyevin verdiyi məlumata görə, rayon şöbəsinin veteranları, Puşkin adına orta məktəbin kollektivi ilə birgə hərbi-vətənpərvərlik mövzusunda tədbir keçiriblər.

Görüşdə çıxış edənlər Vətənin müdafiəsində ordumuzun rolundan, müasir ordumuzun əldə etdiyi inkişafdan və gənc nəslin daha vətənpərvər olmalarının vacibliyindən danışdılar.

AVMVİB Tovuz rayon şöbəsinin sədri Etibar Vəliyev məktəbin pedaqoji kollektivinə, məktəb direktoruna və Tovuz rayon Təhsil şöbəsinin rəhbərliyinə apardıqları məqsədyönlü təlim-tərbiyə və hərbi-vətənpərvərlik tərbiyəsinə görə, veteranlar adından öz minnətdarlığını bildirdi.

Müəllif: Azər BAYRAM