AVMVİB Tovuz rayon şöbəsi məktəbdə Bilik yarışması keçirdi

Azərbaycan Vətən Muharibəsi Veteranları İctimai Birliyinin Tovuz rayon şöbəsinin İdarə Heyəti Tovuz rayonu Puşkin adına orta məktəbdə bilik yarışması kecirdi və həm də tədbirdə Xocalı hadisələri anıldı.

Bu barədə sosial şəbəkədə məlumat yayan AVMVİB Tovuz rayon şöbəsinin sədri Etibar Vəliyev, Tovuz rayonu İcra Hakimiyyəti Aparatının rəhbərliyinə, Tovuz rayon Təhsil Şöbəsinin kollektivinə və Puşkin adına orta məktəbinin kollektivinə bizə bilik yarişmasınin kecirilməsi ücün yaratdıqları şəraitə görə öz təşəkkürünü bildirib.

Bilik yarışmasının kecirilməsində göstərdiyi diqqət və qayğıya gorə məktəbin direktoru Rəşid Əmrahov, məktəbin hərbi-hazırlıq müəllimi Fərrux Səfərov Fəxri Fərmanla təltif olundular.

Bilik yarışmasında 1-2-3-cü yerləri tutan şagirdlər Fəxri Fərmanla və medallarla mükafatlandılar.

1-ci yeri Tağıyev Zirəddin Əbülfət oğlu, 2-ci yeri Səfərov Fərhan Fərrux oqlu, 3-cü yeri isə Bağırova Nərmin Elnur qızı tutdular.

Elnur Səlim