AVMVİB Cəbrayıl rayon şöbəsinin kollektivi Şəhidlər xiyabanını ziyarət ediblər

Bu gün Azərbaycan Vətən Müharibəsi Veteranları İctimai Birliyinin (AVMVİB) Cəbrayıl rayon şöbəsinin üzvləri Cəbrayıl rayon Şəhidlər xiyabanına toplaşaraq 20 Yanvar şəhidlərinin müqəddəs xatirəsini dərin ehtiramla yad etmişlər. Ziyarət zamanı şəhidlərin məzarları üzərinə tər qərənfillər düzülmüş, onların ruhuna dualar oxunmuşdur.

AVMVİB Cəbrayıl rayon şöbəsinin rəhbərliyi çıxışında qeyd etmişdir ki, 20 Yanvar Azərbaycan tarixində yalnız faciə kimi deyil, eyni zamanda xalqımızın azadlıq və müstəqillik mübarizəsinin qürur dolu simvolu kimi xatırlanır. Bu gün biz, o qəhrəman Vətən övladlarını yad etməklə, onların göstərdikləri misilsiz şücaət və fədakarlığın xalqımızın tarixində tutduğu yeri bir daha vurğulayırıq.

AVMVİB-in Mətbuat xidməti
Elçin Qədirov