TƏBRİK: ƏLƏKBƏROV VAHİD GÜLOĞLAN OĞLU — 50
Azərbaycan Vətən Müharibəsi Veteranları İctimai Birliyinin (AVMVİB) Rəhbərliyi 3-cü qrup müharibə əlili ehtiyatda olan kapitan Ələkbərov Vahid Güloğlan oğlunu doğum günü münasibətilə səmimi qəlbdən təbrik edirəm, ona həyatda insan üçün ən şirin nemət olan möhkəm can sağlığı, ailə səadəti və həyat yollarında bitib — tükənməyən nailiyyətlər arzulayır.
Qoy yaşının üstə gələn bu yaş ona sevinc dolu günlər bəxş etsin və hər yeni günü isə ötən günlərdən daha gözəl istəklərinə uyğun onu xoşbəxt edəcək şəkildə keçsin.
3 -cü qrup Müharibə Əlili ehtiyatda olan kapitan Ələkbərov Vahid Güloğlan oğlu 10 oktyabr 1972-ci ildə Yevlax rayonunda anadan olub.
O, 1989-cü ildə Yevlax rayon tam orta məktəbini, 1998 -ci ildə Daxili Qoşunların Baş İdarəsinin Xəzər rayonunda yerləşən hərbi məktəbi (zabitlərin ixtisas artırma kursunu), 2000- ci ildə isə Bakı Dəmiryolu Texnikomunu bitrib. O, Daxili Qoşunlarda xidmət etdiyi illər ərzində bir çox metodiki-təlim toplanmışlarında, xüsusi taktiki təlimlərdə, seminar və konfranslarda fəal iştirak etmişdir.
Ələkbərov Vahid Güloğlan oğlu 1990-1991-ci illərdə Sovet ordusunda müdddətli həqqi hərbi xidmətdə olub. 1992-2012-ci ilərdə Daxili İşlər Nazirliyinin Daxili Qoşunların Baş İdarəsinin Ağdam, Ağdərə, Füzuli, Cəbrayıl, Xətai və Zaqatala rayonlarında yerləşən hərbi hissələrdə taqım və böluk komandiri, Xüsusi təyinatlı Dəstənin kəşfiyyat rəisi vəzifələrində Vətənə, Dövlətə və xalqa sədaqətlə xidmət etmişdir.
O, Daxili Qoşunlarda xidmət etdiyi illər ərzində özunü uşaq vaxtlarından, gözəl ailə və məktəb tərbiyəsi ilə böyümüş, əxlaqı tərbiyəsi yerində olan, nizam və intizamlı hərbiçi kımı göstərmişdir. O işlədiyi və oxuduğu təhsil müəssisələrində ,yaşadığı ərazidə kollektiv arasında həmişə müsbət mənada seçilərək, başqaları üçün nümunə olmuşdur.
O, Azərbaycan Respublikası Konstitusiyasına və qanunlarına əməl etməkdə, hərbi andın və hərbi nizamnamələrin tələblərinin yerinə yetirilməsində tabeçiliyində olanlar üçün nümunə olmuşdur.
Kapitan Ələkbərov Vahid Güloğlan oğlu Daxili Qoşunlarda xidmət etdiyi illər ərzində özünü qorxmaz, səxavətli, insanpərvər, əliaçıq və zəhmətkeş zabit kimi göstərmişdir. O,istər anadan olduğu və yaşadığı ərazidə, oxuduğu və təhsil aldığı təhsil müəssisələrində, istərsə də xidmət etdiyi və işlədiyi kollektivlərdə, qohum- əqraba ,dost- tanış arasında özünə layiq hörmət qazanmışdır.
Peşəkarlığı və humanistliyi ilə, nəzəri və praktiki biliyi ilə ( döyüş təcrübəsi ilə), işgüzarlığı və mənəvi keyfiyyəti ilə, dəqiqliyi və təmkinliyi ilə, sadəliyi və səmimiyyəti ilə seçilən ən məhsuldar dövrünün 22 ildən cox şərəfli xidmət yolunu hərbi xidmətdə keçirib.
O, Azərbaycan Respublikasında ictimai qaydanın və ictimai təhlükəsizliyin qorunmasnda, şəhərdə, yaşayış məntəqələrində və cəzaçəkmə müəssisələrində baş vermiş kütləvi ixtişaşların qarşısının alınmasında, Mütəşəkkil cinayətkarlığa qarşı mübarizədə, qanunsuz silahlı dəstələrin axtarışında və zərərsizləşdirilməsində, Fövqalədə vəziyyət zamanı hüquqi rejimin təmin olunmasında, dövlətin ərazi bütövlüyünün təmin edilməsində üzərinə düsən vəzifə və tapşırıqları məsuliyyət və şərəf hissi ilə yerınə yetirmişdir.
Hərbi xidməti vəzifələrinin icrası zamanı yüksək mənəvi- döyüş keyfiyyətləri göstərdiyinə görə, döyüş və ictimai sıyası hazırlığında və hərbi intizamın möhkəmləndirilməsində hərbi yüksək göstəricilərə nail olduğuna görə Azərbaycan Respublikasının Prezidenti adından Daxili İşlər Nazirnin müvafiq əmrləri ilə əla xidmətlərə görə döş və yubiley nisanları ilə ,pul mükafatları ilə, fəxrı fərmanlarla və qiymətli hediyyələrlə mükafatlandırlıb və ona təşəkkür elan edilib.
Xidmətdə fəriqləndiyinə görə Azərbaycan Respublikasının Prezidenti adından «Qüsursuz Xidmətlərə Görə » 1-ci, 2-ci və 3-cü dərəcəli, «Silahlı Qüvvələrin yaranmasının » 10-illiyi və 90-illiyi medalları ilə təltif olunub.
Azərbaycan Respublikasında İctimai qaydanın və ictimai, təhlükəsizliyin qorunmasında, Mütəşəkkil cinayətkarlığa, terorçuluğa və digər təhlükəli cinayətlərə qarşı mübarizədə, qanunsuz silahlı dəstələrin zərərsizləşdirilməsində xüsüsi ilə fəriqləndiyinə və igidlik göstərdiyinə görə Azərbaycan Respublikasının Prezidentinin 30 iyun 2002-ci il tarixli sərəncamına görə «VƏTƏN UĞRUNDA » medalı ilə təltif edilib.
DOĞUM GÜNÜN MÜBARƏK OLSUN, VAHİD BƏY!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
BÜTÜN ARZULARIN ÇİN OLSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
DAİMA XOŞBƏXT YAŞA, ÖMRÜN UZUN OLSUN!
Azərbaycan Vətən müharibəsi Veteranları İctimai Birliyi sədrinin hüquqi məsələlər üzrə müavini polkovnik Salman Musayev
