Bərdə rayonunda şəhidlərimiz ziyarət olundu
Şəhid Ailələrinə «Qayğı» Cəmiyyətinin Xocavənd rayon şöbəsi Bərdə rayonunda Silahlı Qüvvələr Günüylə bağlı şəhidlərimizin məzarlarını ziyarət edib.
Bu barədə Azərbaycan Vətən Müharibəsi Veteranları İctimai Birliyi (AVMVİB) sədrinin səlahiyyətli nümayəndəsi, Şəhid Ailələrinə «Qayğı» Cəmiyyətinin Xocavənd rayon şöbəsinin sədri Hamlet Gülməmmədov məlumat verib.
Hamlet Gülməmmədov Vətən uğrunda şəhid olmuş şəhidlərimizə Allahdan rəhmət diləməklə yanaşı, Azərbaycan Respublikasının Silahlı Qüvvələri Günü münasibətilə xalqımızı ürəkdən təbrik edib, Ordumuza isə Vətənə, xalqa, müstəqil Azərbaycan dövlətinə şərəfli xidmətdə uğurlar arzulayıb.
Elçin Qədirov
