AVMVİB: Film kimi 25 il — VİDEO

Azərbaycan Vətən Müharibəsi Veteranları İctimai Birliyinin (AVMVİB) 25 yaşı tamam oldu. Bununla əlaqədar AVMVİB Mətbuat Xidməti və Veteran.az TV tarixi məzmunlu videoçarx haırlayıb. Videoçarxda 2018-2019-cu illər ərzində təşkilatın hərbi-vətənpərvərlik sahəsində gördüyü işlərin kiçik bir hissəsini fotolarla verməyə çalışmışıq. Bu işi çətinliklər içərisində, öz hesablarına görmüş rayon şöbələrimizə, bu işlərdə əməyi olan hər bir veterana AVMVİB Rəhbərliyi ayrı-ayrılıqda öz minnətdarlığını bildirir.

Arif Nihat Asya demişdir: «O da qazi olmaq istədi, fəqət ona anlatmaq gərəkdi ki, şehid olmağı gözə ala bilməyən, qazi ola bilməz!» Bu yolun özəlliyi budur. Bu gün barışda savaşı gözləyən veyeranlarımızı təbrik edirik!

Bir daha bəyan edirik ki, Qarabağ probleminin həlli kimi savaşı irəli sürən AVMVİB -nin 65 minlik veteran ordusu bu müqəddəs işdə Ali Baş Komandan cənab İlham Əliyevin əmrinə daim hazırdır və hər an bu əmri gözləməkdədir!

AVMVİB-nin yaranmasından 25 il keçdi. Qəlbi bizimlə olanları, ruhu bizimlə qalanları və sıralarımızda veriləcək savaş əmri gözləyənləri təbrik edirik!

Hədəfimiz güclü Dövlət, güclü Ordu və əzəli sərhədlərimizin bərpa edilməsidir.

Allah bu yolda yürüyən hər kəsə yar olsun!

Bizlərdən cismən ayrılmış döyüşçü şəhidlərimizin məkanı cənnət olsun!

— ORDA BİR YOL VAR UZAQDA…O YOL BİZİM YOLUMUZDUR…