BMT — də Türkiyə ilə Çin arasında qalmaqal yaşanıb
![](https://veteran.az/wp-content/uploads/2021/10/images-3.jpg)
BMT Təhlükəsizlik Şurasının iclasında Türkiyə ilə Çin arasında qalmaqal yaşanıb.
Türkiyə mətbuatı yazır ki, Çinin BMT-dəki daimi nümayəndəsinin müavini Qenq Şuanq Ankaranı Suriyanın şimal-qərb hissəsini işğal etməkdə ittiham edib.
“Türkiyə Fərat çayının səviyyəsinin azalması və Suriyanın “Alluk” supaylayıcı stansiyasının fəaliyyətində yaranan fasilələrə görə təqsirlidir. Suriyanın şimal-şərqini işğal edən Türkiyə insan haqlarına hörmətlə yanaşmalıdır”.
Türkiyənin BMT-dəki nümayəndəsi Firidun Sinirlioğlu isə öz növbəsində Çinin Ankaraya dərs keçmək həddində olmadığını deyib.
“Bütün bölgələrdə beynəlxalq humanitar hüququ ayaqlayan bir ölkə Ankaranı insan haqlarına hörmət etməyə öyrədə bilməz”.
Diplomat PKK/YPG hərbi birliklərinin və Əsəd rejiminin Türkiyəni qaralama kampaniyası apardığını iddia edib.