AVMVİB Sabunçu rayon şöbəsi təşkilatlanır
AVMVİB Sabunçu rayon şöbəsinin müavini Balağa Ələkbərovun təşəbbüsüylə Sabunçu batalyonunun keçmiş döyüşçüləri yenidən bir araya gəliblər.
Toplantıda AVMVİB sədrinin hüquq və sosial məsələlər üzrə müavini Abbas Hüseynli iştirak edib. Əsasən görüləcək işlər və müharibə veteranlarına hüquqi yardımın təşkil edilməsi məsələləri müzkirə olunub.
Xatırladım ki, Sabunçu rayonu respublikanın müharibə iştirakçılarına ən pis münasibət olan bir rayon kimi tanınıb. Əsasən Ulu öndər Heydər Əliyevin çağrışıyla cəbhəyə yollanmış müharibə veteranları Sabunçu batalyonunun tərkibində ağır döyüş yolu keçiblər. Baxımsızlıqdan rayon veteranlarının yetərincə problemləri mövcuddur. Bu problemləri həl etmək üçün müharibə veteranları AVMVİB-ə üzv olmaqla birgə fəaliyyətlərini qurmağı qərara alıblar.
Bu yolda keçmiş döyüşçülərə uğurlar arzulayırıq.
Fərid Səlimov
