Kreml bir daha separatizmin dəstəkçisi olduğunu nümayiş etdirdi
Ukraynanın cənub-şərqindəki dörd bölgənin Rusiya tərəfindən təyin edilmiş liderləri ilhaq planlarını yekunlaşdırmaq üçün Moskvaya səfər ediblər.
“Euronews”un məlumatına görə, Luqansk vilayətinin Rusiya tərəfindən təyin edilmiş rəhbəri Leonid Passetchnik “TASS” xəbər agentliyinə açıqlamasında «Mən Moskvadayam», deyə söyləyib.
Qeyd olunub ki, separatçı liderlər bu gün ilhaqla bağlı «rəsmi» müraciətlərini ratifikasiya etmək üçün Rusiya prezidenti Vladimir Putin tərəfindən qəbul ediləcək. Bundan sonra Moskvadakı Rusiya əyalət parlamentinin yaxın bir neçə gün ərzində məsələ ilə bağlı səsvermə keçirəcəyi gözlənilir.
Həmçinin bildirilib ki, Kreml hadisəni qeyd etmək məqsədilə, paytaxtın məşhur Qırmızı Meydan ətrafındakı bəzi küçələri bağlayacaq. Məlumata görə, artıq “Donetsk, Luqansk, Zaporojjya, Xerson – Rusiya!” şüarları əks olunmuş reklam lövhələri ilə nəhəng video ekranlar quraşdırılıb. Ukrayna prezidenti Volodimir Zelenski isə Moskvanın dörd bölgəni ilhaq edəcəyi təqdirdə Rusiyaya “çox sərt” cavab veriləcəyi ilə bağlı yeni xəbərdarlıq edib.
