Rusiyanın daha bir generalı öldürüldü
Ukraynanın Xerson vilayətindəki Çernobayevka aerodromunda Rusiya Silahlı Qüvvələrinin Cənub Hərbi Dairəsinin 8-ci Birləşmiş Silahlı Qüvvələrinin komandiri, qvardiya general-leytenantı Andrey Mordviçev həlak olub.
Bu barədə məlumatı Ukrayna Prezidentinin Aparat rəhbərinin müşaviri Aleksey Arestoviç təsdiqləyib.
Rusiya Cənub Hərbi Dairəsinin 8-ci Əlahiddə Ümumqoşun Ordusunun komanda məntəqəsi komandirlə birlikdə məhv edilib.
«8-ci ordu Luqansk və Donetsk vilayətlərindəki separatçı rejimlərə birbaşa dəstək verməklə məşğuldur», — Arestoviç deyib.
