Andrey Areşev: “Əgər Rusiya olmasaydı, bu gün nəinki Qarabağ, Ermənistan da yox idi”

Türkiyə və Rusiyanın Cənubi Qafqazda təbii rəqib olması şübhəsizdir. Ancaq Rusiyanın Türkiyə ilə müharibə etmək arzusu ilə alışdığını düşünürsünüzsə, çox yanılırsınız. Xüsusilə indiki vəziyyətdə”.

Bu sözlərin müəllifi rus politoloq Andrey Areşevdir.

O deyib ki, bəızi məlumatlaara görə, Şərqi Avropada amerikalılar taktiki nüvə silahlarına sərmayə qoyurlar. “Düşünürəm ki, mürəkkəb olan Rusiya-Türkiyə münasibətləri buna baxmayaraq, dünyanın istənilən nöqtəsində birbaşa hərbi münaqişədən qaçmağa yönəlib”.

O qeyd edib ki, Rusiya 44 günlük müharibədə Azərbaycan və Türkiyəni hansısa yolla dayandırmaq üçün kifayət qədər səy göstərib. “Məndə olan məlumata görə, belə cəhdlər olub. Onların kifayət qədər təsirli olmaması isə təkcə Rusiyanın hakim gücünün deyil, həm də Ermənistanın günahı və məsuliyyətidir ki, bu barədə erməni ekspertlər də kifayət qədər səmimi deyirlər. Deməli, vəziyyət onların təqdim etməyə çalışdıqlarından qat-qat mürəkkəbdir. O cümlədən Ermənistanda. Ermənistan və ermənilərin torpaqları hesabına böyüməyə dair Rusiya-Türkiyə müqaviləsini göstərə bilərsinizmi? Mən belə bir şeylə rastlaşmamışam”.

Areşev SSRİ-nin xəritələri əsasında demarkasiya prosesinə də toxunub. O deyib ki, Rusiya nə Ermənistan, nə də Azərbaycan tərəfinin maraqlarını önə çəkərək, hərəkət etməyəcək. “Əgər Rusiya Ermənistandakı bəzi təbliğatçıların iddia etdiyi kimi, Azərbaycanın maraqlarını müdafiə etsəydi, o zaman sizi inandırıram, Qarabağ artıq olmazdı. Rusiya sülhməramlılarının olduğu hissə də olmazdı. Başqa misal gətirim. Noyabrın 16-da baş verən hadisələr zamanı məhz rus hərbçilərinin müdaxiləsi ilə azərbaycanlıların irəliləməsi dayandırıldı. Və son üçtərəfli bəyanata baxsanız, orada yazılıb ki, tərəflər ikitərəfli komissiya yaratsın, tərəflər istəsə, üçüncü tərəfin məsləhətinə müraciət edə bilərlər. Mənə elə gəlir ki, bu, kifayət qədər mürəkkəb proses olacaq. Amma Ermənistanda heç kim, o cümlədən hazırkı baş nazir demarkasiya və demarkasiya prosesinə etiraz etməyib. Vəziyyət məsələnin digər tərəfidir ki, məncə, bu, daha çox Ermənistanın, xüsusən də son 3 ildəki siyasəti ilə bağlıdır, nəinki Rusiyanın Qafqazdakı xarici siyasəti”.

Rus politoloq vurğulayıbki, sülhməramlıların göndərilməsi qərarı məcburi idi və erməni tərəfinin yekun məğlubiyyətinin qarşısını almaq məqsədi daşıyırdı. “Əgər hesab edirsinizsə ki, bunlar imperiya istəkləridir, zəhmət olmasa, fakt göstərin. Ermənistan buradakı rus varlığından xilas olmaq istəyirsə, hər an edə bilər”.

Mənbə: Jamaz