Suraxanı rayonunda maraqlı tədbir
Suraxanı rayonunda maraqlı tədbir keçirilib. İkinci Dünya müharibəsi veteranları və arxa cəbhə iştirakçıları, Birinci və İkinci Qarabağ, Əfqanıstan müharibələrinin iştirakçılarının görüşü olub.
Bu barədə Azərbaycan Vətən Müharibəsi Veteranları İctimai Birliyi (AVMVİB) Suraxanı rayon şöbəsinin sədri Eldar Rüstəmov məlumat verib.
Eldar Rüstəmov bildirdi ki, bu cür görüşlərin keçirilməsi gənc döyüşçülərimizin həyata sosial adaptasiyası üçün mühüm əhəmiyyətə malikdir və biz ilk gündən bu istiqamətdə bir sıra addımlar atmışıq. Vətən müharibəsi dövlətimiz və xalqımız üçün olduqca əhəmiyyətli idi. Biz torpaqlarımızı qaytardıq, faşizmi məğlub etdik. Bu müharibə xalqımızın vətənpərvərlik, birlik və rəşadətinin bir daha sübütu oldu. Ali Baş Komandan İlham Əliyevin ətrafında sıx birləşərək düşməni cəbhədə, diplomatiyada və eləcə də, informasiya savaşında məğlub etdik. Görüşdə müharibənin törətdiyi problemlər, psixoloji amillər müzakirə olundu. Cəbhədən yeni qayıtmış döyüşçülərə səbrli olmaları və tədricən bütün problemlərin həll olunacağı bildirildi. Çünki döyüşçülər daha yaxşı bir-birini anlayan sosial qrupdur».
AVMVİB Suraxanı rayon şöbəsinin sədri Eldar Rüstəmov dedi: «Yaralı hərbiçilərimizin sağlamlığına qovuşması üçün bütün zəruri tədbirlər görülür, hospitallar, reabilitasiya və sosial xidmət müəssisələrində bunun üçün hər cür şərait yaradılıb. Respublikamızda həyata keçirilən və günü-gündən təkmilləşdirilən sosial layihələr hər bir Azərbaycan vətəntaşını, xüsusən şəhid ailələrini, qaziləri və müharibə iştirakçını əhatə edir. Birgə səylə kimsənin unudulmamasına çalışmalıyıq. Qazanılmış böyük Zəfərimizdən isə daha vətənpərvər bir gəncliyin yetişdirilməsində istifadə etməliyik. Azərbaycan xalqının və əsgərinin cəbhədə yazdıqları qəhrəmanlıq səlnamələri ölkədə hərbi-vətənpərvərlik ruhunun daim yüksək səviyyədə saxlanmasına yetər. Hamımız bu istiqamətdə iş aparmalıyıq. AVMVİB hələ müharibədən öncə bu istiqamətdə ciddi işlər görmüşdü və bu işi davam etdirməyi planlaşdırırıq».
Nurlan Məmmədli
