AVMVİB Bərdə rayon şöbəsində

AVMVİB Bərdə rayon şöbəsinin sədri İsmayıl Rüstəmovun verdiyi məlumata görə, Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) Bərdə rayon şöbəsinin təşkilatçılığı ilə Milli Həmrəylik Günü münasibətiylə ənənəvi olaraq maddi imkanları aşağı olan şəhid ailələrinə bayram sovqatı olaraq ərzaq bağlamaları verilib.

Mərasimə SHXÇDX Bərdə rayon şöbəsinin rəis müavini Ceyhun müəllim rəhbərlik edib.

AVMVİB Bərdə rayon şöbəsi veteranları və SHXÇDX Bərdə rayon şöbəsinin əməkdaşları şəhid ailələrinə baş çəkib və onlarla maraqlanıb.

AVMVİB Bərdə rayon şöbəsinin sədri İsmayıl Rüstəmov, bu humanist addımı təqdir etdiyini və hər kəsə örnək bir addım olduğunu qeyd etdi. Bu yardımlarıntəşkilinə görə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) rəisi general -leytenant Arzu Rəhimova vetranlar adından öz minnətdarlığını bildirdi.

E. Səlim