28.05.2024

Ermənistan SAM: Bu kəndlər Bakının nəzarətinə keçir

Hər hansı statusdan, yaxud danışıqlardan danışmaq mənasızdır. İrəvan sənədləri imzalayacaq və biz Azərbaycanın ərazi bütövlüyünü Qarabağ və Ermənistanın bəzi əraziləri (Azərbaycanın anklavları nəzərdə tutulur — red.) daxil olmaqla tanıyacığıq.

Veteran.az axar.az-a istinadən xəbər verir ki, bu barədə Ermənistanın Strateji Araşdırmalar Mərkəzinin rəhbəri Alvina Ağababyan bildirib.

«Söhbət Azərbaycanın hazırda Ermənistan ərazisində yerləşən Tavuş və Ararat (Vedibasar — red.) vilayətlərindəki anklavlarından gedir. Mən istisna etmirəm ki, Bakı Tiqranaşen (Kərki — red.) kəndinə də nəzarəti ələ alacaq. Qeyd etmək lazımdır ki, Ermənistanın şimal və cənubunu birləşdirən əsas strateji magistralı məhz bu kənddən keçir. İndi biz özümüzü aldadırıq, deyirik ki, guya danışıqlar aparılır, hansısa məsələ həll olunur, amma bu, sadəcə, özünətəsəllidən başqa heç nə deyil», — deyə ekspert qeyd edib.

Yazını çap et
Sosial şəbəkələrdə bizi izləyin və paylaşın: