Təbrik: Mustafa Mustafayev — 58

Bu gün silahdaşlarımızdan daha birinin — Azərbaycan Vətən Müharibəsi Veteranları İctimai Birliyinin Maştağa özəyinin sədri Mustafa Mustafayevin doğum günüdür. Dekabr ayının 5-i onun 58 yaşı tamam olur.

Mustafa Mustafayev 05 dekabr 1966-cı ildə Sabunçu rayonunun Maştağa qəsəbəsində anadan olmuşdur və ilk təhsilini də elə burada almışdır.

1986-1988-ci illərdə sovet ordusunda hərbi xidmətdə olmuşdur. 1993-1994-cü ildə N saylı hərbi hissənin Sabunçu batalyonunun bütün döyüşlərində rabitəçi olaraq iştirak etmişdir.

Xidmət və fəaliyyətlərinə görə, «Zəfər» medalı. «Müharibə veteranı», «Milli ordu 100» və «AVMVİB 25» xatirə medalları ilə təltif edilmişdir.

Azərbaycan Vətən Müharibəsi Veteranları İctimai Birliyi Mustafa Mustafayevin doğum günü münasibəti ilə təbrik edir, ona uzun ömür, cansağlığı arzu edir.

AVMVİB Mətbuat xidməti