AVMVİB Mingəçevir şəhər şöbəsinin veteranları mərhum Natiq Həsənovun 40 mərasimində iştirak etmişlər
Bu gün AVMVİB Mingəçevir şəhər şöbəsinin sədri, Vətən müharibəsi iştirakçısı Natiq Həsənovun 40 mərasimi keçirilmişdir. Mərasimdə AVMVİB Mingəçevir şəhər şöbəsinin üzvləri, rayon ictimaiyyəti, mərhumun ailəsi, iş yoldaşları iştirak etmişdir.
Həsənov Natiq Nəriman oğlu Azərbaycanın ərazi bütövlüyü uğrunda gedən döyüşlərdə göstərdiyi igidlik və Vətən müharibəsi zamanı hərbi qulluqçularımıza dəstək fəaliyyətləri ilə yadda qalmış Vətənpərvər insanlardan biri idi. O, torpaqlarımızın azadlığı uğrunda mübarizədə həm ön, həm də arxa cəbhədə xidmət göstərərək əlindən gələn köməyi əsirgəməmişdi.
Mərhumun xidmətləri yüksək səviyyədə qiymətləndirilmiş və Azərbaycan Ordusunun Baş Qərargah rəisi, korpus və hərbi hissə komandirləri, eləcə də Azərbaycan Vətən Müharibəsi Veteranları İctimai Birliyi tərəfindən müxtəlif medallar və döş nişanları ilə təltif olunmuşdur.
Allah rəhmət etsin!
AVMVİB Mətbuat xidməti
