Şərəflə yaşanan ömür yolu: Marrif Məlikov- 60
İnsan üçün ən yadda qalan günlərdən başlıcası onun həyata gəldiyi gündür. Ömürə bəzək olan ad günü hər il xüsusi ilə qeyd olunur. Belə insanlardan biri də peşəkarlığı, humanistliyi, işgüzarlığı, mənəvi keyfiyyəti, səmimiyyəti, təvazökarlığı və vətənpərvərliyi ilə seçilən, ömrünün şərəfli xidməti yolunun 29 ildən çoxunu Daxili İşlər Nazirliyinin İslah Əmək müəssisələrində və Daxili Qosunların hərbi hisələrində keçirmiş, Silahlı Qüvvələr və Müharibə Veteranı , istefada olan polkovnik- leytenant Məlikov Maarif Hərif oğludur. Fevral ayının 18 də onun 60 yaşı tamam olur.
Daimi həyatın bütün cətinliklərindən alınıacıq və üzüağ cıxan Silahlı Qüvvələr
Müharibə Veteranı istefda olan polkovnik- leytenant Məlikov Maarif Hərif oğlunu doğum günü münasibətilə Azərbaycan Vətən Müharibəsi Veteranları İctimai Birliyin rəhbərliyi,doğmaları, döyüşcü və iş yoldaşları səmimi qəlbdən təbrik edirlər,səbəbkara həyatda insan üçün ən şirin nemət olan möhkəm can sağlığı, ailə səadəti və həyat yollarında bitib — tükənməyən nailiyyətlər arzulayırlar.
Arzu edirk ki, Maarif Məlikovun yaşının üstə gələn bu yaş ona sevinc dolu günlər bəxş etsin və hər yeni ili isə ötən illərdən daha gözəl istəklərinə uyğun onu xoşbəxt edəcək şəkildə keçsin.
Silahlı Qüvvələr və Müharibə Veteranı istefada olan polkovnik-leytenant Məlikov Maarif Hərif oğlu 1963 -cü ilin fevral ayının 18- də Sabirabad rayonunda zəhmətkeş ailədə anadan olub.
Məlikov Maarif Hərif oğlu 1979-cu ildə Sabirabad rayonunda orta məktəbi, 1987-ci ildə SSRİ Daxili İşlər Nazirliyinin zabitlər (rəislər) hazırlayan məktəbi, 1998 -cı ildə Müdafiə Nazirliyinin Zabitlərin təhkimləşdirmə ( ixtisas artırma) kursunu, 2009- cu ildə isə Bakı Dövlət Unversitetini bitrib. Daxil Qoşunlarda xidmət etdiyi illər ərzində Daxili Qoşunların Baş İdarəsində və hərbi hisələrində kecirlən bir çox təlim- metodiki toplanışlarda,xüsusi- taktiki təlimlərdə, komanda- qərargah məşqlərində, seminar və konfranslarda fəal iştirak edib .
Polkovnik-leytenant Maarif Məlikov 1981-1983-cü illərdə Sovet ordusunda müddətli həqiqi hərbi xidmətdə olub. 1988-1993-cü illərdə SSRİ Daxili İşlər Nazirliyinin Rusiyada yerləşən islah əmək müəssisələrində müxtəlif vəzifələrdə olub. 1994-2014-cü illərdə isə Daxili Qoşunların Baş İdarəsinin Lənkaran şəhərində, Füzuli, Hacıqabul, Zaqatala, Binəqədi rayonlarında yerləşən hərbi hissələrində taqım və böluk komandiri, hərbi hissə komandirinin hüquq işlər üzrə köməkçisi, Alay və Briqada komandirinin tərbiyəvi işlər üzrə müavini vəzifəsində Dövlətə və Xalqa sədaqətlə xidmət etmişdir.Maarif Daxili Qoşunlarda xidmət etdiyi illər ərzində hərbi təçürbə əldə etmək məqsədli ılə Türkiyə Silahlı Qüvvələrində işgüzar səfərdə olmuşdur.
Müstəqil Azərbaycanın Daxili İşlər Nazirliyinin Daxili Qoşunlarında xidmət etdiyi illər ərzində, Azərbaycan Respublikasının Konstitusiyasına və qanunlarına əməl etməkdə, hərbi andın, hərbi nizamnamələrin və digər hüquqi- normativ aktların tələblərinə, eləcə də vəzifə borclarının icrasına məsuliyyətlə yanaşmış, qarşıya qoyulmuş xidməti tapşırıqları müvəffəqiyyətlə yerinə yetirilməsi üçün öz əməyini əsirgəməmiş, şəxsi nümunəsi ilə bir cox hərbi qulluqçuları fədakar hərbi
xidmətə ruhlandırmışdır.
O,Daxili Qoşunlarda xidmət etdiyi illər ərzində özünü qorxmaz, səxavətli, insanpərvər, əliacıq, zəhmətkeş zabit kimi göstərmişdir. O, istər anadan olduğu və yaşadığı ərazidə, oxuduğu orta və ali təhsil müəssisələrində, istərsə də xidmət etdiyi və işlədiyi kollektivlərdə, dost-tanış ,qohum-əqrəba arasında özünə layiq hörmət qazanmışdır.
Azərbaycan Respublikasında ictimai qaydanın və ictimai təhlükəsizliyin qorunmasında, şəhərdə və yaşayış məntəqələrində, cəzaçəkmə müəssisələrində baş vermiş ixtşaşların qarşısının alınmasında, mütəşəkkil cinayətkarlığa qarşı mübarizə də, qanunsuz silahlı dəstələrin axtarışında və zərərsizləşdirilməsində,fövqaladə vəziyyət zamanı hüquqi rejimin təmin olunmasında ,baş vermiş təbii fəlakətlərin nəticələrinin aradan qaldırılmasında, dövlətin ərazi bütövlüyünün təmin olunmasında üzərinə düşən vəzifə və tapşırıqları məsuliyyət və şərəf hissi ilə yerınə yetirmişdir.
Hərbi xidməti vəzifələrinin icrası zamanı yüksək mənəvi döyüş keyfiyyətləri göstərdiyinə görə döyüş və ictimai siyasi hazırlığında, hərbi intizamın möhkəmləndirilməsində yüksək göstəricilərə nail olduğuna və nümunəvi xidmətinə görə Daxili İşlər Nazirinin, Daxili Qoşunlar Komandanın və onun müavinlərinin, hərbi hissə komandirinin müvafiq əmrləri ilə əla xidmətlərə görə döş və yubiley nişanları ilə təltif olunub, fəxri fərmanlarla və qiymətli hədiyələrlə mükafatlandırlıb və ona təşəkkür elan edilib.
Döyüş hazırlığındakı əla göstəricilərə görə, təlimlərdə, xüsusi əməliyyatlarda, döyüş xidmətində, döyüş növbəsində xüsusi fəriqləndiyinə ,fədakarlıq və şücaət göstərdiyinə görə Azərbaycan Respublikasının Prezidenti adından DİN-in müvafiq əmirləri ilə aşağıdakl medalarla təltif edilib:
1.”Azərbaycan Respublikasının Silahll Qüvvələr Veteranı” medalı ilə,
2.”Qüsursuz Xidmətlərə görə” 1-ci, 2-ci və 3-cü dərəcəli medalar ilə,
3.”Silahlı Qüvvələrin yaranmasının” isə 10 iliyi, 90-illiyi və 95- iliyi yubiley medalları ilə.
Azərbaycan Respublikasının Prezidentinin 09 mart 2007-ci il tarixli sərəncamına əsasən Azərbaycan Respublikasının ərazi bütövlüyü və suverenliyi uğrunda gedən döyüşlərdə göstərdikləri şücaət və igidliyə, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fəriqləndiyinə görə » Hərbi Xidmətlərə Görə» medalı ilə təltif edilib.
DOĞUM GÜNÜN MÜBARƏK OLSUN. MAARİF!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
BÜTÜN ARZULARIN ÇİN OLSUN!
DAİMA XOŞBƏXT YAŞA, ÖMRÜN UZUN OLSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
Azərbaycan Vətən Müharibəsi Veteranları İctimai Birliyi sədrinin hüquqi məsələlər üzrə müavini polkovnik Salman Musayev
